Psikomotrizitatearen onurarik
nabariena da garapen motorra. Umeetan, mugitzeko gaitasuna batez ere bi
faktoreren menpe dago: nerbio sistemaren heltzea eta gihar tonuaren eboluzioa.
Lehenengoa gorputz emborrean goitik behera eta gorputz adarretan emborretik
urrunerantz ematen da, horregatik egiten zaie zaila umeei hasiera batean mugimendu
zehatzak egitea. Tonuari esker sortzen dira giharren uzkurketak eta ondorioz
mugimendua; hortaz, gorputz akzioaren oinarria da, gainera oreka mantentzea
ahalbidetzen duen faktorea da, erabat beharrezkoa posizio desberdinak lortzeko.
(Durivage, 1984)
Hau garatzeko zer egiten dugu
guk? Ba mota guztietako mugimenduak ahalbidetuko dizkien espazio eta materialak
eskuragarri jartzen dizkiegu. Horrela, umeek denetarik egin ahal izango dute:
lau hankatan ibili, oinez, korrika, irristatuz, igoerak egin, birak eman, salto
desberdinak, oreka desberdinak probatu, gauzak hartu, bota, jaso, bultzatu,
eraiki, marraztu… Honetarako dauzkagun materialak onako hauek dira: pikak,
sokak, bankuak, koltxonetak, espalderak, forma askotako gomaespumazko blokeak, pilotak,
uztaiak, zintak, zapiak, marrazteko tresnak, ispiluak…Ispiluek garrantzia handia dute guretzat,
beren gorputza ezagutzeko
eta onartzeko baliabide ezin hobeak baitira.
Honekin umeek lortuko dutena:
1. Gorputzaren
ezagutza, kontzientzia eta kontrola.
2. Oreka
emozional eta korporal egokia.
3. Jarrera
kontrolatu bat.
4. Mugimendu
koordinatua.
5. Lateralitate
ongi definitu bat.
6. Espazio-denbora
egitura zuzena.
(Diaz, 2006)
No hay comentarios:
Publicar un comentario